సోషల్ మీడియా పుణ్యమా అని సెలబ్రిటీల వ్యక్తిగత జీవితాలపై రోజూ ఏదో ఒక వార్త పుట్టుకొస్తూనే ఉంటుంది. ముఖ్యంగా స్టార్ హీరోయిన్ త్రిష వ్యవహారం ఎప్పుడూ నెట్టింట హాట్ టాపిక్కే. ఇటీవల దళపతి విజయ్ విడాకుల వ్యవహారం తెరపైకి వచ్చినప్పటి నుంచి త్రిష పేరును ముడిపెడుతూ అనేక కథనాలు వైరల్ అవుతున్నాయి. వీటికి తోడు ఆమె సినిమాలకు గుడ్బై చెప్పేస్తుందని, ఓ బడా వ్యాపారవేత్తను సీక్రెట్గా పెళ్లి చేసుకోబోతోందని కూడా రకరకాల పుకార్లు షికార్లు చేస్తున్నాయి. రోజుకో కొత్త రూమర్ పుట్టుకొస్తుండటంతో విసిగిపోయిన త్రిష.. తనదైన స్టైల్లో అదిరిపోయే కౌంటర్ ఇచ్చారు. తన ఇన్స్టాగ్రామ్ స్టోరీ వేదికగా రూమర్ రాయుళ్లపై ఓ రేంజ్లో సెటైర్లు వేశారు.
ఈ రోజుకి కల్పిత కథలు చాలు!
తన వ్యక్తిగత జీవితంపై లేనిపోని వార్తలు రాస్తున్న వారిని ఉద్దేశించి త్రిష ఒక పోస్ట్ పెట్టారు. “నేను సినిమాలకు గుడ్బై చెప్పేశానట.. ఓ రిచ్ బిజినెస్మెన్ను పెళ్లి చేసుకున్నానట.. అంతేకాదు, మాకు పుట్టిన నలుగురు పిల్లలకు నిన్నే రెండేళ్లు కూడా నిండాయట.. ఇవి కాకుండా ఇంకేమైనా కొత్తవి యాడ్ చేయాలా? లేదా ఈ రోజుకి ఈ కల్పిత కథల కోటా పూర్తయిందా?” అంటూ ఓ స్మైలీ ఎమోజీని జత చేసి ఎగతాళిగా ప్రశ్నించారు. ఈ విధంగా తనపై జరుగుతున్న ప్రచారంలో ఏమాత్రం నిజం లేదని, అవన్నీ ఎవరో కావాలని క్రియేట్ చేస్తున్న “ఫిక్షన్” మాత్రమేనని పరోక్షంగా తేల్చిచెప్పారు.
సెలబ్రిటీలు సాధారణంగా తమపై ఏదైనా రూమర్ వస్తే సీరియస్గా ఖండిస్తారు లేదా ఏమీ పట్టించుకోకుండా సైలెంట్గా ఉంటారు. కానీ త్రిష మాత్రం తనదైన మార్క్తో కూల్ అండ్ స్వీట్ వార్నింగ్ ఇచ్చారు. తన గురించి ఇష్టమొచ్చినట్లు అబద్ధాలు రాస్తున్న వారిని డైరెక్ట్గా టార్గెట్ చేస్తూ ఆమె పెట్టిన ఈ పోస్ట్ ఇప్పుడు ఇంటర్నెట్లో తెగ వైరల్ అవుతోంది. “త్రిష మాస్ కౌంటర్ ఇచ్చిందిగా”, “అబద్ధాలు రాసేవాళ్ల పరువు తీసేసింది” అంటూ నెటిజన్లు కామెంట్లు పెడుతున్నారు. తన చుట్టూ అల్లుకుంటున్న వివాదాలకు, బేస్లెస్ గాసిప్స్కు తాజా ఇన్స్టాగ్రామ్ స్టోరీతో త్రిష ఒక్కసారిగా ఫుల్ స్టాప్ పెట్టారు. ప్రస్తుతం ఆమె ‘విశ్వంభర’, ‘థగ్ లైఫ్’ లాంటి క్రేజీ ప్రాజెక్టులతో పాటు పలు భారీ చిత్రాల్లో నటిస్తూ కెరీర్ పరంగా ఫుల్ స్వింగ్లో ఉన్నారు.