సూపర్ హిట్ ‘యమలీల’ సినిమాకు ప్రీక్వెల్ గా ఎస్.వి.కృష్ణారెడ్డి దర్శకత్వంలో రూపొందుతున్న సినిమా ‘యమలీల 2′. ఈ సినిమాతో ఒకప్పటి స్టార్ దర్శకుడు కృష్ణారెడ్డి తిరిగి పూర్వ వైభవాన్ని సొంతం చేసుకోవడం ఖాయమని సినిమా యూనిట్ సభ్యులు చెప్తున్నారు. టాకీ పార్ట్ షూటింగ్ కంప్లీట్ చేసుకున్న ఈ సినిమా ఆడియో అక్టోబర్ 26న విడుదల చేయడానికి నిర్మాతలు సన్నాహాలు చేశారు. శిల్పకళా వేదికలో ఆడియో విడుదల కార్యక్రమం జరగనుంది.
డాక్టర్ కెవి సతీష్, దియా నికోలస్ జంటగా నటిస్తున్న ఈ సినిమాలో కలెక్షన్ కింగ్ మోహన్ బాబు యముడి పాత్రలో కనిపించనున్నారు. బ్రహ్మానందం చిత్రగుప్తుడి పాత్ర పోషించారు. కోట శ్రీనివాసరావు, ఎమ్మెస్ నారాయణ, పోసాని కృష్ణమురళి తదితరులు ముఖ్య పాత్రల్లో కనిపిస్తారు. ఈ సినిమాకు కృష్ణారెడ్డి సంగీతం సమకూర్చారు.