ఆంధ్రప్రదేశ్ మాజీ ముఖ్య మంత్రి వై ఎస్ రాజశేఖర్ రెడ్డి గారి జీవిత చరిత్ర ఆధారంగా తెరకెక్కుతున్న చిత్రం ‘యాత్ర’. మలయాళ సూపర్ స్టార్ మమ్ముట్టి ప్రధాన పాత్రలో నటిస్తున్న ఈచిత్రాన్ని’ఆనందో బ్రహ్మ’ ఫేమ్ మహి వి రాఘవ్ తెరకెక్కిస్తున్నాడు. ఇక ఈ చిత్రం యొక్క టీజర్ ను వైస్సార్ తనయుడు జగన్ పుట్టిన రోజు సందర్భంగా డిసెంబర్ 21న విడుదలచేయనున్నారు. ఈచిత్రంలో రాజశేఖర్ రెడ్డి పాదయాత్ర కు సంబందించిన విశేషాలను ప్రస్తావించనున్నారు.
జగపతి బాబు , సుహాసిని , అనసూయ , రావు రమేష్ ముఖ్య పాత్రల్లో నటిస్తున్న ఈ చిత్రాన్ని 70ఎమ్ ఎమ్ ఎంటర్టైన్మెంట్స్ పతాకంఫై విజయ్ చిల్లా, శశి దేవిరెడ్డిలు సంయుక్తంగా నిర్మిస్తున్నారు. కృష్ణ కుమార్ సంగీతం అందిస్తున్న ఈచిత్రం వచ్చే ఏడాది ఫిబ్రవరి 8న తెలుగు తోపాటు మలయాళం, తమిళ భాషల్లో విడుదలకానుంది.