Like us on Facebook
 
నైజాంలో తగ్గుముఖం పట్టిన ‘స్పైడర్’ కలెక్షన్స్ !


సూపర్ స్టార్ మహేష్ బాబు నటించిన ‘స్పైడర్’ చిత్రానికి విడుదలరోజు నుండే మొదలైన మిశ్రమ స్పందన వసూళ్ల మీద ప్రభావం చూపుతోంది. ఓపెనింగ్స్ బాగానే ఉన్నా రోజులు గడిచేకొద్దీ వసూళ్ళలో తగ్గుదల స్పష్టంగా కనిపిస్తోంది. ముఖ్యంగా వసూళ్లను కీలకమైన నైజాం ఏరియాలో ఈ డ్రాప్ మరీ ఎక్కువగా ఉంది. మొదటి నాలుగురోజులు గాను ఈ చిత్రం నైజాంలో రూ.7. 8 కోట్ల షేర్ ను రాబట్టింది.

మిగిలిన చాలా ఏరియాల్లో పరిస్థితి ఇలానే ఉంది. డిస్ట్రిబ్యూటర్లు కొద్దిగా పెద్ద మొత్తంలో డబ్బు నష్టపోయే సూచనలు కనిపిస్తున్నాయి. ఓవర్సీస్లో కూడా ఎక్కువ మొత్తానికి అమ్ముడైన ఈ చిత్రం శనివారం నాటికి 1.4 మిలియన్ల మాత్రమే వెనక్కి రాబట్టడంతో అక్కడ కూడా నష్టాలు తప్పవని ట్రేడ్ వర్గాలు భావిస్తున్నాయి. మురుగదాస్ డైరెక్ట్ చేసిన ఈ ద్విభాషా చిత్రంతో మహేష్ తమిళంలో అఫీషియల్ గా లాంచ్ అయ్యారు.

Bookmark and Share