మెగాస్టార్ చిరంజీవి లేటెస్ట్ చిత్రం ‘మన శంకర వరప్రసాద్ గారు’ పండుగకు రిలీజ్ అయిన చిత్రాల్లో టాప్ ఫేవరెట్ చిత్రంగా ప్రేక్షకులను ఆకట్టుకుంటోంది. అనిల్ రావిపూడి డైరెక్ట్ చేసిన ఈ సినిమా ఔట్ అండ్ ఔట్ కామెడీ ఎంటర్టైనర్గా థియేటర్లలో నవ్వులు పూయిస్తోంది. ఇక ఈ సినిమాతో వింటేజ్ మెగాస్టార్ అభిమానులను థ్రిల్ చేస్తున్నారు.
ఈ సినిమా జనవరి 12న వరల్డ్వైడ్గా గ్రాండ్ రిలీజ్ కాగా, వారం రోజుల తర్వాత కూడా ఈ చిత్రం తన జోరును చూపిస్తుంది. పండుగ సెలవులు ముగియడంతో ఫ్యామిలీ ఆడియన్స్ ఈ సినిమాను చూసేందుకు థియేటర్లకు క్యూ కడుతున్నారు. ఈ క్రమంలో చాలా ప్రాంతాల్లో థియేటర్లు హౌజ్ఫుల్ బోర్డులతో దర్శనమిస్తున్నాయి. దీంతో బాక్సాఫీస్ దగ్గర బాస్ క్రేజ్ ఎలాంటిదో మరోసారి ప్రూవ్ అయిందని అభిమానులు సంతోషం వ్యక్తం చేస్తున్నారు.
ఇక ఈ సినిమాలో నయనతార హీరోయిన్గా, విక్టరీ వెంకటేష్ క్యామియో పాత్రలో అలరించారు. భీమ్స్ సిసిరోలియో సంగీతం అందించిన ఈ చిత్రాన్ని సాహు గారపాటి, సుష్మిత కొణిదెల ప్రొడ్యూస్ చేశారు.
