‘అడ్డా’ సినిమాతో హిట్ అందుకున్న అక్కినేని హీరో సుశాంత్ తన తదుపరి సినిమాని ఇంకా సెట్స్ పైకి తీసుకెళ్ళలేదు. సుశాంత్ తన తదుపరి సినిమాని కామెడీ చిత్రాల దర్శకుడు జి. నాగేశ్వర్ రెడ్డి డైరెక్షన్ లో ఓ సినిమా చెయ్యడానికి రంగం సిద్దం అయ్యింది. ఈ సినిమాని ఉగాది కానుకగా ఈ రోజు లాంచ్ చేసారు. ఈ అధికారిక లాంచ్ అన్నపూర్ణ స్టూడియోస్ లో జరిగింది.
ఈ వేడుకకి అక్కినేని హీరోలైన అక్కినెనీ నాగార్జున, నాగ చైతన్య, అక్కినేని అఖిల్ లు హాజరయ్యారు. అందరూ ఈ సినిమా మంచి విజయం సాధించాలని కోరారు. శ్రీజి ఫిల్మ్స్ అన్నపూర్ణ స్టూడియోస్ తో కలిసి నిర్మిస్తున్న ఈ సినిమా రెగ్యులర్ షూటింగ్ ఏప్రిల్ 10 నుంచి మొదలవుతుంది. జి నాగేశ్వర్ రెడ్డి సుశాంత్ అవుట్ యాక్షన్ ఎంటర్టైనర్ ని ప్లాన్ చేసాడు. నాగేశ్వర్ రెడ్డి చేసిన గత రెండు సినిమాలు (దేనికైనా రెడీ, కరెంట్ తీగ)మంచి విజయాన్ని అందుకున్నాయి.