యంగ్ అండ్ లవ్‌లీ హీరో ఆది సాయి కుమార్ నటించిన లేటెస్ట్ చిత్రం “టాప్ గేర్” సినిమాతో ప్రేక్షకుల ముందుకు రాబోతుంది. ఇక ఈ చిత్రం శ్రీధర్ రెడ్డి గారి నిర్మాణ సారథ్యంలో తెరకెక్కింది. ఆదిత్య మూవీస్ & ఎంటర్‌టైన్‌మెంట్స్ సమర్పణలో శ్రీ ధనలక్ష్మి ప్రొడక్షన్స్ బ్యానర్‌పై రూపొందిన ఈ సినిమాకు కె. శశికాంత్ దర్శకత్వం వహించారు. ఈ చిత్రం డిసెంబర్ 30న విడుదల కాబోతున్న సందర్భంగా నిర్మాత శ్రీధర్ రెడ్డి లేటెస్ట్ ఇంటర్వ్యూ ఇచ్చారు. మరి వారు ఎలాంటి విషయాలు పంచుకున్నారో చూద్దాం.
చెప్పండి టాప్ గేర్ సినిమా ఎలా ఉండబోతోంది?
టాప్ గేర్ సినిమా చాలా బాగుండబోతోంది. ఈ సినిమాతో ఆదికి వచ్చే ఏడాది శుభారంభం కానుంది. ఆది మంచి డ్యాన్సర్. మంచి నటుడు. టాప్ గేర్ సినిమాతో వచ్చే ఏడాది ఆయన దశ మారుతుంది.
టాప్ గేర్ సినిమాలో మీకు ఏ పాయింట్ నచ్చింది?
మనం కథ విన్నప్పుడు అది మనల్ని హాంట్ చేయాలి. శశికాంత్ ఈ కథ చెప్పిన తరువాత నాకు చాలా నచ్చింది. ఈ కథ విన్న తరువాత ఆది అయితే బాగుంటుందని మేం అనుకున్నాం. వెళ్లి కథ చెప్పాం. ఆయన ఓకే అన్నారు.
డైరెక్టర్ కోసం చెప్పండి?
టాప్ గేర్ సినిమాను డైరెక్టర్ అద్భుతంగా తీశారు. ఇందులో స్క్రీన్ ప్లే హైలెట్ అవుతుంది. నెక్ట్స్ సీన్ ఏంటి? అనే ఆసక్తిని రేకెత్తించేలా సినిమాను తీశారు.
మ్యూజిక్ కోసం చెప్పండి?
టాప్ గేర్ సినిమాకు అసలు హీరో ఆయనే. ఇలాంటి సినిమాలకు హర్షవర్దన్ మ్యూజిక్, ఆర్ఆర్ ప్లస్ అవుతుంది.
అసలు ఈ సినిమా స్టోరీ ఏంటి?
క్యాబ్ డ్రైవర్‌లకు కస్టమర్లతో కూడా సమస్యలు వస్తుంటాయి. అలా అనుకోకుండా హీరో ఓ సమస్యలో చిక్కకుంటాడు. దాన్నుంచి ఎలా బయటపడతాడు అనేది కథ. తన భార్యను కాపాడుకునేందుకు హీరో చేసే ప్రయత్నాలు బాగుంటాయి.
ప్రస్తుతం నిర్మాతలు ఎదుర్కొంటున్న సవాళ్లు ఏంటి?
ప్రతీది నిర్మాతకు చాలెంజింగ్‌గానే ఉంటుంది. సినిమాను ప్రారంభించడం, పూర్తి చేయడం, రిలీజ్ చేయడం అన్నీ సవాళ్లే. మనకు సినిమాలంటే ఇష్టం, ప్యాషన్ కాబట్టి చేస్తుంటాం. వాటిని ఎదుర్కోగలను అనే ధైర్యం ఉంటేనే ఇందులోకి రావాలి. మా సినిమా అద్భుతంగా వచ్చింది. మా చిత్రం మీద నాకు నమ్మకం ఉంది.
ఈ సినిమా సాయికుమార్ గారు చూసారా? చూస్తే ఏమన్నారు?
ఆదికి 2023 చాలా బాగుండబోతోందని, టాప్ గేర్ సినిమాతో అది ప్రారంభం అవుతుందని సాయి కుమార్ గారు చెప్పుకొచ్చారు. టాప్ గేర్ సినిమా పట్ల ఆయన చాలా హ్యాపీగా ఫీల్ అయ్యారు.