హీరోలను ఇంకా ఫైనల్ చేయలేదంటున్న అనిల్ రావిపూడి !
Published on Nov 13, 2017 1:45 pm IST

ఇటీవలే రవితేజతో ‘రాజా ది గ్రేట్’ సినిమా చేసి మంచి కమర్షియల్ హిట్ అందుకున్న దర్శకుడు అనిల్ రావిపూడి తర్వాత సినిమా ఏమిటనే దానిపై ప్రేక్షకుల్లో తీవ్ర ఆసక్తి నెలకొంది. ఈ నైపథ్యంలో ఆయన దిల్ రాజు నిర్మాణంలో ఎఫ్ 2 (ఫన్ అండ్ ఫ్రస్టేషన్) అనే సినిమాను ప్రకటించారు. అంతేగాక ఈ చిత్రం మల్టీ స్టారర్ గా ఉంటుందని కూడా అన్నారు.

ఇక అప్పటి నుడ్ని ఈ సినిమాలో మొదటి హీరోగా విక్టరీ వెంకటేష్ నటిస్తారని, రెండవ హీరోగా మెగా హీరో సాయి ధరమ్ తేజ్ చేయనున్నారని వార్తలొచ్చాయి. దీంతో ప్రేక్షకులు కొంత కన్ఫ్యూజన్ కు గురయ్యారు. ఇక లాభం లేదనుకున్న అనిల్ రవాయిపూడి తాజాగా ఈ విషయంపై క్లారిటీ ఇస్తూ ఇంకా తన సినిమాలో హీరోలను కన్ఫర్మ్ చేయలేదని, ఒకసారి చేశాక తానే స్వయంగా ప్రకటిస్తానని అన్నారు. మరి ఆయన ఆలోచనల్లో ఏయే హీరోలున్నారో తెలియాలంటే ఇంకొంత సమయం వేచి చూడక తప్పదు.

 
Subscribe to our Youtube Channel
 
Like us on Facebook