అరవింద సమేత విడుదల అయిన తొలిరోజు నుండే రికార్డుల వేట మొదలు పెట్టింది. త్రివిక్రమ్-తారక్ కాంబినేషన్లో భారీ అంచనాల మధ్య విడుదల అయిన ఈ చిత్రం అదిరిపోయే కలెక్షన్లతో దూసుకుపోతుంది. ప్రపంచ వ్యాప్తంగా బాక్సాఫీస్ వద్ద అరాచకం సృష్టిస్తూ తొలిరోజు నాన్ బాహుబలి రికార్డులను తన పేరిట లిఖించుకున్నాడు.
ఆంధ్రప్రదేశ్ మరియు తెలంగాణాలో అరవింద సమేత తొలి రోజు షేర్లు ఈ క్రింది విధంగా ఉన్నాయి.
ఇక ఈ చిత్రం నైజాం, గుంటూరు, సీడెడ్ ఏరియాల్లో బాహుబలి చిత్రం తర్వాత తొలిరోజు అత్యధిక వసూళ్ళు అరవింద కొల్లగొట్టింది. ఇక నైజాంలో గతంలో ఈ తొలిరోజు నాన్బాహుబలి రికార్డు అజ్ఞాతవాసి చిత్రం పేరమీద ఉంది. అజ్ఞాతవాసి తొలిరోజు అత్యధికంగా 8.13 కోట్ల గ్రాస్ రాబట్టింది. అయితే అరవింద సమేత ఆ రికార్డును బీట్ చేస్తూ తొలిరోజు ఏకంగా 8.30 కోట్ల గ్రాస్ (5.73 కోట్ల షేర్) వసూలు చేసి బాక్సాఫీస్ దుమ్ముదులుపుతోంది ఈ అరవింద సమేత. ఇక యూఎస్లోనూ అరవింద ప్రభంజనం కొనసాగుతుంది. తొలిరోజు దాదాపు $1 మిలియన్ మార్కును అందుకున్న ఈ చిత్రం.. ఈ వీకెండ్ ఆదివారం నాటికి $2 మిలియన్ మార్కును చేరుకోవడం ఖాయమని ట్రేడ్ వర్గాలు చెబుతున్నాయి. ఇక దసరా వరకు ఎలాంటి పెద్ద సినిమాలు లేక పోవడంతో.. అరవింద మరింత కలెక్షన్లు రాబట్టే ఛాన్స్ ఉందని సినీ విశ్లేషకులు అభిప్రాయ పడుతున్నారు.
ఏరియా | కలెక్షన్స్ |
నైజాం | 5.73 కోట్లు |
సీడెడ్ | 5.48 కోట్లు |
నెల్లూరు | 1.06 కోట్లు |
గుంటూరు | 4.14 కోట్లు |
కృష్ణ | 1.97 కోట్లు |
పశ్చిమ గోదావరి | 2.77 కోట్లు |
తూర్పు గోదావరి | 2.37 కోట్లు |
వైజాగ్ | 8.44 కోట్లు |
మొత్తం | 26.64 కోట్లు |