విక్టరీ వెంకటేష్ మరియు మెగా ప్రిన్స్ వరుణ్ తేజ్ లు హీరోలుగా తమన్నా మరియు మెహ్రీన్ లీజ్ హీరోయిన్ లుగా దర్శకుడు అనీల్ రావిపూడి తెరకెక్కించిన లేటెస్ట్ ఫన్ ఫుల్ ఎంటర్టైనర్ చిత్రం “ఎఫ్ 3”. తమ హిట్ సినిమా ఎఫ్ 2 కి కొనసాగింపు గా ఆ ఫ్రాంచైజ్ నుంచి సరికొత్తగా తెరకెక్కించిన ఈ సినిమా కూడా అంచనాలకు తగ్గట్టుగా సాలిడ్ వసూళ్లను అందుకొని అసరగొడుతుంది. మొదటి రోజు ప్రపంచ వ్యాప్తంగా సూపర్ నెంబర్ ని నమోదు చేసిన ఈ చిత్రం యూఎస్ లో అయితే సూపర్ సాలిడ్ గా ఉందని చెప్పాలి.
లేటెస్ట్ గా ఈ సినిమా అక్కడ ఏకంగా 7 లక్షల 50 వేల డాలర్లు మార్క్ ని క్రాస్ చేసి అదరగొట్టింది. కేవలం ఈ రెండు రోజుల్లోనే ఈ మార్క్ టచ్ అవ్వడం విశేషం. దీని బట్టి ఓవర్సీస్ లో ఈ సినిమా సూపర్ అని అందరికీ క్లియర్ గా అర్థం అయ్యిపోయింది. ఇక ఈ సినిమాలో సునీల్, సోనాల్ చౌహాన్ తదితరులు కీలక పాత్రల్లో నటించగా దేవిశ్రీప్రసాద్ సంగీతం అందించారు. అలాగే దిల్ రాజ్ నిర్మాణం వహించిన సంగతి తెలిసిందే.