నేచురల్ స్టార్ నాని ప్రస్తుతం వరుస సినిమాలతో బిజీ బిజీగా గడుపుతున్నాడు. టక్ జగదీష్‌తో పాటు అంటే సుందరానికి, శ్యామ్ సింగరాయ్ సినిమాల షూటింగ్‌లలో పాల్గొంటున్నాడు. అయితే నాని తన సినిమాల పరంగా ఓ విషయంలో మాత్రం ఫుల్ క్లారిటీతో ఉన్నట్టు తెలుస్తుంది. తాను హీరోగా చేస్తున్న ఏ సినిమాను కూడా ఓటీటీలకు ఇవ్వకూడదని అనుకుంటున్నాడట.
అయితే గత ఏడాది నాని హీరోగా ఇంద్రగంటి మోహనకృష్ణ తెరకెక్కించిన “v” సినిమా 2020 సెప్టెంబర్ 5న అమెజాన్ ప్రైమ్ వీడియోలో రిలీజ్ అయ్యింది. అయితే ఈ సినిమా వ్యూస్ పరంగా ఓకే అనిపించినప్పటికీ ఆ తర్వాత మాత్రం పెద్దగా ప్రభావం చూపలేకపోయింది. దీంతో నాని ఓటీటీ అంటేనే భయపడుతున్నట్టు కనిపిస్తున్నాడు. ఇదిలా ఉంటే టక్ జగదీష్ సినిమాను ఓటీటీలో విడుదల చేయాలని ముందుగా నిర్మాతలు ఆలోచన చేయగా, దానికి నాని వద్దని తెగేసి చెప్పినట్టు తెలుస్తుంది.