మన టాలీవుడ్ లెజెండరీ హీరో మెగాస్టార్ చిరంజీవి హీరోగా కాజల్ అగర్వాల్ హీరోయిన్ గా అలాగే మెగాపవర్ స్టార్ రామ్ చరణ్ మరో కీలక పాత్రలో నటించిన భారీ బడ్జెట్ చిత్రం “ఆచార్య”. బ్లాక్ బస్టర్ దర్శకుడు కొరటాల శివ దర్శకత్వంలో తెరకెక్కించిన ఈ సినిమా కోసం మెగా ఫ్యాన్స్ చాలా ఆసక్తికరంగా ఎదురు చూస్తుండగా మేకర్స్ నిన్ననే మోస్ట్ అవైటెడ్ ట్రైలర్ ని విడుదల చేసారు.
అయితే ఈ ట్రైలర్ యూట్యూబ్ లో భారీ రెస్పాన్స్ తెచ్చుకుంటు ఉండగా ఇప్పుడు నడుస్తున్న ట్రెండ్ లో భాగంగా ఈ సినిమా నుంచి కూడా రెండో ట్రైలర్ ని రిలీజ్ చేయబోతున్నట్టు తెలుస్తోంది. అయితే ఫస్ట్ ట్రైలర్ ఫుల్ మాస్ ఎలిమెంట్స్ తో ఉండగా ఈ సారి ట్రైలర్ మాత్రం మంచి ఎమోషనల్ గా ఉంటుందట. ఇది సినిమా రిలీజ్ కి ముందు రావచ్చని టాక్. సో అప్పటి వరకు వేచి ఉండాలి. ఇక ఈ సినిమాకి మణిశర్మ సంగీతం అందివ్వగా మ్యాట్నీ ఎంటర్టైన్మెంట్స్ వారు నిర్మాణం వహించిన సంగతి అందరికీ తెలిసిందే.