పాన్ ఇండియన్ స్టార్ ప్రభాస్ హీరోగా ఇటీవల ప్రశాంత్ నీల్ దర్శకత్వంలో తెరకెక్కిన సలార్ పార్ట్ 1 మూవీ ఎంతో పెద్ద విజయం సొంతం చేసుకుంది. హోంబలె ఫిలిమ్స్ సంస్థ పై ప్రతిష్టాత్మకంగా నిర్మితం అయిన ఈ మూవీలో శృతి హాసన హీరోయిన్ గా నటించగా రాజమన్నార్ పాత్రలో జగపతి బాబు తన పెర్ఫార్మన్స్ తో ఆకట్టుకున్నారు.
ఇక తాజాగా ఒక హిందీ మీడియా చానెల్ ఇంటర్వ్యూ లో భాగంగా జగపతి బాబు సలార్ 2 గురించి మాట్లాడుతూ, సలార్ 2 శౌర్యంగ పర్వం మూవీ పార్ట్ 1 ని మించి మరింత అద్భుతంగా ఉంటుందని అన్నారు. అలానే ఈ మూవీలో తనకు ప్రభాస్ కు మధ్య చాలా భారీ సన్నివేశాలు ఉండబోతున్నాయని ఆ మ్యాజిక్ ని ఆడియన్స్ ఎంతో ఎంజాయ్ చేస్తారని అన్నారు. కాగా కొంతమేర షూటింగ్ జరుపుకున్న ఈ మూవీ మిగతా పార్ట్ ఈ ఏడాది చివర్లో ప్రారంభం అయ్యే ఛాన్స్ ఉంది. ఇక సలార్ 2 మూవీ అయితే వచ్చే ఏడాది చివర్లో రిలీజ్ అయ్యే అవకాశం కనపడుతోంది.