‘RRR’ సినిమాపై కొమురం భీం మనవడు ఏమన్నాడంటే?

Published on Dec 11, 2021 10:25 pm IST


టాలీవుడ్ దర్శకధీరుడు రాజమౌళి దర్శకత్వంలో రామ్ చరణ్ తేజ్, జూనియర్ ఎన్టీఆర్‌లు హీరోలుగా కలిసి నటిస్తున్న చిత్రం “రౌద్రం రణం రుధిరం”. పీరియాడిక్ యాక్షన్ డ్రామాగా తెరకెక్కుతున్న ఈ సినిమాలో రామ్ చరణ్ ‘మన్యం దొర అల్లూరి సీతారామరాజు’ పాత్రలో నటిస్తుండగా, ఎన్టీఆర్ ‘గొండు బెబ్బులి కొమరం భీమ్’ పాత్రలో మెరవనున్నాడు. భారీ అంచనాలున్న ఈ చిత్రం జనవరి 7న ప్రపంచవ్యాప్తంగా విడుదల కాబోతుంది.

ప్రస్తుతం ఈ సినిమా ప్రమోషన్ కార్యక్రమాలు జోరుగా జరుగుతున్నాయి. ఇటీవలే ఈ సినిమా ట్రైలర్ కూడా విడుదల అయ్యింది. ఇదిలా ఉంటే తాజాగా ఈ సినిమాపై కొమురం భీం మనవడు కొమురం సోనేరావ్‌ స్పందించారు. కొమురం భీం పోరాటానికి సినిమా ద్వారా రూపం ఇవ్వడం సంతోషమని ఆయన అన్నారు. కొమురం భీం పోరాట చరితను ప్రపంచానికి తెలియస్తున్న రాజమౌళికి సోనేరావ్‌ ధన్యావాదాలు తెలిపారు.

సంబంధిత సమాచారం :