నందమూరి అభిమానులకు ఒక అదిరిపోయే అప్డేట్. వైవిధ్యమైన సినిమాలతో గత రెండు దశాబ్దాలుగా ప్రేక్షకులను అలరిస్తున్న నందమూరి కళ్యాణ్ రామ్, తొలిసారిగా సోషల్ మీడియా ప్లాట్ఫామ్ ఇన్స్టాగ్రామ్ లోకి అడుగుపెట్టబోతున్నాడు. తన పుట్టినరోజైన జూలై 5న ఆయన అధికారికంగా ఇన్స్టాగ్రామ్ అకౌంట్ను ఓపెన్ చేస్తున్నాడు.
కళ్యాణ్ రామ్ ఇప్పటివరకు ఇన్స్టాగ్రామ్కు దూరంగా ఉంటూ వచ్చాడు. ఇకపై ఈ ప్లాట్ఫామ్ ద్వారా తన అభిమానులకు మరింత దగ్గరవ్వాలని ఆయన భావిస్తున్నాడు. తన సినిమాల అప్డేట్స్, షూటింగ్ లొకేషన్ బిహైండ్ ది సీన్స్ విశేషాలతో పాటు తన వ్యక్తిగత, వృత్తిపరమైన ప్రయాణానికి సంబంధించిన విషయాలను ఇకపై ఫ్యాన్స్తో పంచుకోనున్నాడు.
కళ్యాణ్ రామ్ ఇన్స్టాగ్రామ్ ఎంట్రీ కోసం నందమూరి ఫ్యాన్స్ ఎంతో ఆత్రుతగా ఎదురుచూస్తున్నారు. ఇక సినిమాల విషయానికొస్తే.. ప్రస్తుతం ఆయన అనిల్ రావిపూడి దర్శకత్వంలో తెరకెక్కుతున్న ఒక భారీ చిత్రంలో నటిస్తున్నాడు. విక్టరీ వెంకటేష్ కూడా ప్రధాన పాత్రలో నటిస్తున్న ఈ మల్టీస్టారర్ ప్రాజెక్ట్ ప్రస్తుతం షూటింగ్ దశలో ఉంది.