యంగ్ టైగర్ ఎన్టీఆర్‌ సిల్వర్ స్కీన్‌పై కనిపించి దాదాపు మూడేళ్లు కావస్తుంది. అయితే ఎన్టీఆర్‌ హీరోగా నటించిన “ఆర్ఆర్ఆర్” చిత్రం రిలీజ్ ఇటీవల మళ్లీ వాయిదా పడడంతో ఎన్టీఆర్‌తో పాటు ఆయన ఫ్యాన్స్ కూడా బాగా నిరాశ చెందినట్టు టాక్ వినిపిస్తుంది. ఈ క్రమంలోనే ఎన్టీఆర్‌ ఇకపై సమయం వృధా చేయకూడదని అనుకుంటున్నాడట.
ఇందులో భాగంగానే త్వరలో కొరటాల శివతో ఎన్టీఆర్‌ తన తదుపరి చిత్రాన్ని ప్రారంభించనున్నాడు. అంతేకాదు ఉప్పెన దర్శకుడు బుచ్చిబాబు స్క్రిప్ట్‌ని కూడా ఫైనల్ చేసినట్టు ఫిల్మ్ సర్కిల్స్ లో వినిపిస్తుంది. అయితే ఈ రెండు సినిమాలను ఒకేసారి చేస్తూ, వీలైనంత త్వరగా వీటిని పూర్తి చేయాలని ఎన్టీఆర్‌ పట్టుదలతో ఉన్నాడట. చూడాలి మరీ బుచ్చిబాబు సినిమా గురించి అధికారిక ప్రకటన ఎప్పుడు వస్తుందనేది.