యంగ్ టైగర్ ఎన్టీఆర్ ప్రస్తుతం ఆర్ ఆర్ ఆర్ షూటింగ్ లో బిజీగా ఉన్నారు. రాజమౌళి తెరకెక్కిస్తున్న ఈ భారీ మల్టీస్టారర్లో ఎన్టీఆర్ కొమరం భీమ్ రోల్ చేస్తుండగా, మరో హీరో రామ్ చరణ్ అల్లూరి సీతారామ రాజు పాత్ర చేస్తున్నారు. కాగా తాజాగా ఎన్టీఆర్ పై ఓ ఆసక్తికర వార్త పరిశ్రమలో చక్కర్లు కొడుతుంది.
ఎన్టీఆర్ త్వరలో ఓ నిర్మాణ సంస్థను ఏర్పాటు చేయనున్నాడట. ఓ ప్రొడక్షన్ హౌస్ స్థాపించనున్న ఎన్టీఆర్ ఇకపై తాను నటించే చిత్రాలలో నిర్మాణ భాగస్వామిగా ఉంటూ, ఇతర హీరోల చిత్రాలు కూడా నిర్మించాలని భావిస్తున్నారట. బాలయ్య కూడా ఈ ఏడాది ఎన్ బి కె ఫిల్మ్స్ పేరుతో ఓ ప్రొడక్షన్ హౌస్ ఏర్పాటు చేశారు. మరి ఇప్పుడు ఎన్టీఆర్ కూడా నిర్మాతగా మారనున్నాడు అనే వార్తలు ఆసక్తి రేపుతున్నాయి. మహేష్, రామ్ చరణ్ వంటి స్టార్ హీరోలతో పాటు నాని, విజయ్ దేవరకొండ లాంటి వాళ్ళు ఇప్పటికే నిర్మాతలుగా వ్యవహరిస్తున్నారు.