రెబల్ స్టార్ ప్రభాస్‌ హీరోగా సుజిత్ దర్శకత్వంలో రాబోతున్న భారీ చిత్రం ‘సాహో’. కొన్నిరోజుల క్రితం ముంబైలో కీలక షెడ్యూల్ ను పుర్తి చేసుకున్న విషయం తెలిసిందే. అయితే కొన్ని సన్నివేశాల సంబంధించి ప్రభాస్ సంతృప్తికరంగా లేరని, త్వరలో హైదరాబాద్ లో ఆ సన్నివేశాలకు సంబంధించి ఫ్యాచ్ వర్క్ షూట్ మొదలుకానుందని గత కొన్ని రోజులుగా వార్తలు వస్తున్నాయి. కాగా తాజాగా ‘సాహో’ అవుట్ ఫుట్ చాలా బాగా వచ్చిందట. ఈ సినిమాకు సంబంధించి ఎలాంటి రీ షూట్ లు జరగవని చిత్రబృందం చెప్పుకొచ్చింది.

ఆగష్టు 15న విడుదల కానున్న ఈ చిత్రం ప్రసుతం పోస్ట్ ప్రొడక్షన్ కార్యక్రమాల్లో ఫుల్ బిజీగా ఉంది. ఈ సినిమాలోని విజువల్స్ నుంచి ప్రభాస్ యాక్షన్ సీన్స్ వరకూ హాలీవుడ్ స్థాయిలో ఉంటాయట. చిత్రానికి శంకర్ ఎహసాన్ లాయ్ సంగీతం అందిస్తున్నారు. భారీ బడ్జెట్ తో ప్రముఖ చిత్ర నిర్మాణ సంస్థ ‘యు.వి క్రియేషన్స్’ ఈ సినిమాను నిర్మస్తోంది.