విలక్షణ పాత్రలతో తనకంటూ ప్రత్యేక గుర్తింపు తెచ్చుకుంటున్న హీరో శ్రీ విష్ణు హసిత్ గోలి దర్శకత్వంలో ‘రాజ రాజ చోర’ సినిమా చేస్తున్న సంగతి తెలిసిందే. పీపుల్స్ మీడియా ఫ్యాక్టరీ నిర్మాణ సంస్థపై టీజీ విశ్వప్రసాద్, అభిషేక్ అగర్వాల్ సంయుక్తంగా నిర్మిస్తున్న ఈ చిత్రంలో శ్రీ విష్ణు సరసన మేఘా ఆకాశ్, సునైన నటిస్తుండగా, మై విలేజ్ ఫేమ్ గంగవ్వ ఓ ముఖ్యమైన పాత్రలో నటిస్తుంది.
ఇదిలా ఉంటే ఈ సినిమా నుంచి ఇప్పటికే విడుదలైన టీజర్, పాటలకు ప్రేక్షకుల నుంచి మంచి రెస్పాన్స్ వచ్చింది. ఇప్పటికే అన్ని కార్యక్రమాలను పూర్తి చేసుకున్న ఈ సినిమా ఆగష్టు 19న థియేటర్లలో రిలీజ్ కాబోతుంది. అయితే తాజాగా ఇప్పుడు ఈ సినిమా సెన్సార్‌ను కూడా పూర్తి చేసుకుని U/A సర్టిఫికేట్‌ని తెచ్చుకుంది.