మలయాళ పరిశ్రమ ఈ ఏడాది మంచి హిట్‌లతో దూసుకుపోతోంది. అబ్రహం ఓజ్లర్ 2024లో బాక్సాఫీస్ వద్ద హిట్ కొట్టిన మొదటి మాలీవుడ్ చిత్రం. ఈ చిత్రం పెద్దగా అంచనాలు లేకుండానే థియేటర్ల లోకి వచ్చింది. అయితే ఇది రన్ ముగిసే సమయానికి ప్రపంచవ్యాప్తంగా బాక్సాఫీస్ వద్ద 40 కోట్లకు పైగా గ్రాస్ వసూలు చేసింది. అబ్రహం ఓజ్లర్ సైకలాజికల్ మెడికల్ క్రైమ్ థ్రిల్లర్, ఇందులో జయరామ్ ప్రధాన పాత్రలో నటించారు. తాజా అప్డేట్ ఏమిటంటే, అబ్రహం ఓజ్లర్ మార్చి 20న డిస్నీ ప్లస్ హాట్‌స్టార్‌లో స్ట్రీమింగ్ కి రానుంది.

డిస్నీ ప్లస్ హాట్ స్టార్ ఇదే విషయాన్ని అధికారికంగా ప్రకటించింది. మాలీవుడ్ మెగాస్టార్ మమ్ముట్టి అబ్రహం ఓజ్లర్‌లో అతి పెద్ద పాత్ర పోషించారు. మిధున్ మాన్యువల్ థామస్ దర్శకత్వం వహించిన ఈ చిత్రం జయరామ్ కెరీర్‌లో బిగ్గెస్ట్ హిట్. అనశ్వర రాజన్, అర్జున్ అశోకన్, అనూప్ మీనన్, ఆర్య సలీం, సైజు కురుప్, సెంథిల్ కృష్ణ కీలక పాత్రలు పోషించారు. ఇర్షాద్ ఎం. హాసన్, దర్శకుడితో కలిసి నేరంబోక్కు మరియు మాన్యువల్ మూవీ మేకర్స్ బ్యానర్‌లపై ఈ చిత్రాన్ని నిర్మించారు.