మెగస్టార్ చిరంజీవి హీరోగా, దర్శకుడు మోహన్ రాజా దర్శకత్వంలో మళయాళంలో సూపర్ హిట్టైన “లూసిఫర్” సినిమా రీమేక్ రాబోతున్న సంగతి తెలిసిందే. అయితే చిరంజీవి కోసం ఒరిజినల్ కథలో నుంచి బాగానే మార్పులు చేర్పులు చేసినట్టు తెలుస్తుంది. ఇది పక్కన పెడితే ఈ సినిమాలో తమిళ నటుడు సముద్రఖనిని సెలెక్ట్ చేసినట్టు టాక్ వినిపిస్తుంది.
దర్శకుడు నుంచి నటుడిగా మారిన సముద్రఖని ఈ మధ్య వరుస సినిమా ఆఫర్లతో ఫుల్ బిజీ అయిపోయారు. అలవైకుంఠపురములో సినిమాతో మంచి గుర్తింపు తెచ్చుకున్న ఈయన ప్రస్తుతం పవన్ కళ్యాణ్ ‘అయ్యప్పనుమ్ కోషియమ్’, మహేశ్ సర్కార్ వారి పాట, ఆర్ఆర్ఆర్‌లో కూడా ఓ కీలక పాత్రల్లో నటిస్తున్నట్టు తెలుస్తుంది. అయితే తాజాగా లూసిఫర్ రీమేక్‌లో ఓ మంచి పాత్రను సముద్రఖనికి ఆఫర్ చేసినట్టు సమాచారం. ప్రస్తుతం ఆచార్య షూటింగ్‌లో ఉన్న చిరంజీవి త్వరలో లూసిఫర్ రీమేక్‌ను స్టార్ట్ చేయబోతున్నారు.