ఎన్నో అనుమానాల నడుమ చాలా కాలం అనంతరం విడుదల కాబడిన టాలీవుడ్ చిత్రం “సోలో బ్రతుకే సో బెటర్”. సుప్రీమ్ హీరో సాయి ధరమ్ తేజ్, అలాగే నభా నటేష్ హీరో హీరోయిన్లుగా నూతన దర్శకుడు సుబ్బు దర్శకత్వంలో తెరకెక్కించిన ఈ చిత్రం ఈ కోవిడ్ సమయంలోనే థియేటర్స్ లో విడుదలయ్యి సాహసం చేసింది. మరి వీరు తీసుకున్న ఈ నిర్ణయానికి ఆడియెన్స్ కూడా జై కొట్టారు.

అది కూడా ఏ రేంజ్ లో ఉంది అన్నాయి మొదటి రోజు వసూళ్లు చూస్తే అర్ధం అవుతుంది. లేటెస్ట్ గా వచ్చిన పి ఆర్ వసూళ్ల వివరాలు చూస్తే రెండు తెలుగు రాష్ట్రాల్లో ఈ చిత్రానికి 4.7 కోట్ల గ్రాస్ వసూలు అయ్యినట్టుగా చెబుతున్నారు. అది కూడా కేవలం 50 శాతం ఆక్యుపెన్సీ మరియు ఎన్నో నిబంధనలతో సాయి తేజ్ సినిమాకు సాలిడ్ ఓపెనింగ్స్ దక్కడం విశేషం. మొత్తానికి మాత్రం వీరి టీం చేసిన ఈ ప్రయోగం సూపర్ సక్సెస్ అయ్యినట్టే అని చెప్పాలి.

ఇక ఏరియాల వారీగా పి ఆర్ లెక్కలను చూస్తే..

నైజాం – 1.84 కోట్లు
వైజాగ్ – 0.57 కోట్లు
నెల్లూరు – 0.20 కోట్లు
కృష్ణ – 0.21 కోట్లు
పశ్చిమ గోదావరి – 0.25 కోట్లు
గుంటూరు – 0.43 కోట్లు
తూర్పు గోదావరి – 0.34 కోట్లు
సీడెడ్ – 0.86 కోట్లు

మొత్తం – 4.70 కోట్లు గ్రాస్ ను ఈ చిత్రం రాబట్టింది.