నాని తన 25వ చిత్రాన్ని ప్రతిష్టాత్మకంగా తెరకెక్కించారు. దర్శకుడు మోహన కృష్ణ ఇంద్రగంటి దర్శకత్వంలో తెరకెక్కుతున్న ‘వి’ మూవీ నాని గత చిత్రాలకు మించి భారీ బడ్జెట్ తో తెరకెక్కించారు. చిత్ర షూటింగ్ సైతం మలేసియా, మనాలి వంటి ప్రదేశాలలో నిర్వహించారు. ఈ చిత్రం పై అంచనాలు భారీ స్థాయిలో ఉండగా, నిన్న టీజర్ విడుదల తరువాత తారాస్థాయికి చేరాయి.
సీరియస్ పోలీస్ అధికారికి, డేంజర్ కిల్లర్ కి మధ్య నడిచే థ్రిల్లింగ్ డ్రామాగా ఈ చిత్రం ఉంటుందని టీజర్ ద్వారా తెలుస్తుంది. సెన్సిబుల్ సీరియస్ పోలీస్ సుధీర్ కి సీరియల్ కిల్లర్ నాని విసిరే ఛాలెంజ్ లు, వీరి మధ్య నడిచే ఇగో వార్ ప్రధానం ఈ చిత్రం తెరకెక్కింది. ఇక వీరి మధ్య ఛేజింగ్స్ మరియు ఫైటింగ్స్ ఓ రేంజ్ లో ఉంటాయని తెలుస్తుంది. మొత్తానికి నాని వి సరికొత్తగా ఉంది. దిల్ రాజు ఈ చిత్రాన్ని నిర్మిస్తుండగా, అమిత్ త్రివేది సంగీతం అందించారు. నివేదా థామస్, అదితి రావ్ హైదరి హీరోయిన్స్ నటిస్తున్నారు.