టాలీవుడ్ యంగ్ హీరో విజయ్ దేవరకొండ (Vijay Devarakonda) హీరోగా నటించిన లేటెస్ట్ యాక్షన్ ఎంటర్టైనర్ ఫ్యామిలీ స్టార్ (Family star) మూవీ మరికొద్ది గంటల్లో వరల్డ్ వైడ్ గా థియేటర్ల లోకి రానుంది. డైరెక్టర్ పరశురామ్ పెట్ల దర్శకత్వం వహించిన ఈ చిత్రంలో మృణాల్ ఠాకూర్ హీరోయిన్ గా నటించగా, రష్మిక మందన్న అతిధి పాత్రలో నటించారు. సినిమా రన్‌టైమ్‌ను 150 నిమిషాలుగా నిర్ణయించినట్లు మేకర్స్ నేడు అధికారికంగా ప్రకటించారు.

అయితే, కొన్ని రోజుల క్రితం, ఫ్యామిలీ స్టార్ చిత్రం సెన్సార్ రిపోర్ట్ ఆన్‌లైన్‌లో కనిపించింది. ఇది 5 అభ్యంతరాలతో 163 నిమిషాల రన్‌టైమ్‌ను కలిగి ఉంది. ఈ రన్‌టైమ్‌లో డిఫరెన్స్ విషయం లో విజయ్ దేవరకొండ అభిమానుల్లో మరియు సినీ అభిమానుల్లో క్యూరియాసిటి నెలకొంది. అయితే తొలగించిన సన్నివేశాలను సినిమా రిలీజ్ అనంతరం యూట్యూబ్ లో లేదా ఓటిటి వెర్షన్ లో రిలీజ్ చేసే అవకాశాలు ఉన్నాయి. మేకర్స్ దీనిపై అధికారిక ప్రకటన ఏమైనా ఇస్తారా అనేది తెలియాలంటే వేచి చూడాల్సిందే.

అభినయ, వాసుకి, రోహిణి హట్టంగడి, రవిబాబు, వెన్నెల కిషోర్‌ తదితరులు కీలక పాత్రల్లో నటించిన ఈ చిత్రాన్ని శ్రీ వెంకటేశ్వర క్రియేషన్స్ నిర్మించింది. గోపీ సుందర్ సంగీతం అందించిన ఈ చిత్రాన్ని మొదట తెలుగు, తమిళ భాషల్లో విడుదల చేయనున్నారు.