సూపర్ స్టార్ మహేష్ బాబు టాలెంటెడ్ డైరెక్టర్ అనిల్ రావిపూడి కాంబినేషన్ లో వస్తోన్న ‘సరిలేరు నీకెవ్వరు’ చిత్రం షూటింగ్ ప్రస్తుతం శరవేగంగా జరుగుతోంది. అయితే ఒకప్పుడు స్టార్ హీరోయిన్ గా ఓ వెలుగు వెలిగిన లేడీ అమితాబ్ విజయశాంతి ఎట్టకేలకూ సూపర్ స్టార్ మహేష్ బాబు సినిమాతో మళ్లీ సినిమాల్లోకి రీఎంట్రీ ఇస్తున్న సంగతి తెలిసిందే. అయితే ఈ రోజు, ‘సరిలేరు నీకెవ్వరు’ షూటింగ్ లో విజయశాంతి పాల్గొన్నారు. ఈ విషయాన్ని ఈ చిత్ర దర్శకుడు అనిల్ రావిపూడి ట్వీట్ చేస్తూ.. 13 సంవత్సరాల తరువాత.. విజయశాంతిగారికి ఇది మేకప్ సమయం.. ఈ 13 ఏళ్లలో ఆమె క్రమశిక్షణ, నటన పట్ల ఆమె వైఖరి మరియు ఆమె చైతన్యం ఇలా ఆమెలో ఏదీ మారలేదు.. షూటింగ్ కి స్వాగతం విజయశాంతిగారు’ అని పోస్ట్ చేశారు.
ఇక ఈ సినిమాలో విజయశాంతి క్యారెక్టర్ చాల కీలకంగా ఉంటుందని తెలుస్తోంది. కామెడీ అండ్ యాక్షన్ ఎంటర్టైనెర్ గా తెరకెక్కనున్న ఈ చిత్రంలో రష్మిక మండన్నా హీరోయిన్ గా నటిస్తోంది. మహేష్ అజయ్ కృష్ణ అనే ఆర్మీ మేజర్ గా చేస్తున్న ఈ చిత్రాన్ని దిల్ రాజు తో కలిసి అనిల్ సుంకర నిర్మించనున్నారు. ఈ సినిమా పై ప్రేక్షకుల్లో భారీ అంచనాలు ఉన్నాయి.
After 13 years.. It's make up time for Vijayashanthi garu.. Nothing has ever changed in all these 13 years. Same discipline, same attitude and same dynamism. Welcome on-board @vijayashanthi_m garu ???? #SarileruNeekevvaru pic.twitter.com/xM69EgjP9c
— Anil Ravipudi (@AnilRavipudi) August 12, 2019