యంగ్ టైగర్ ఎన్టీఆర్ తొలిసారి త్రిపాత్రాభినయం చేసిన చిత్రం జై లవకుశ. 2017లో దర్శకుడు కె ఎస్ రవీంద్ర ఈ చిత్రాన్ని తెరకెక్కించగా హిట్ మూవీగా నిలిచింది. నందమూరి కళ్యాణ్ రామ్ ఎన్టీఆర్ ఆర్ట్స్ పతాకంపై ఈ చిత్రాన్ని నిర్మించారు. ఇన్నోసెంట్ బ్యాంకు ఎంప్లాయ్ గా, దొంగగా మరియు నెగిటివ్ షేడ్స్ కలిగిన నాయకుడిగా మూడు విభిన్న పాత్రలలో ఎన్టీఆర్ నటించారు. నివేదా థామస్, రాశిఖన్నా హీరోయిన్స్ గా నటించడం జరిగింది. కాగా ఈ చిత్రంలోని ఓ సాంగ్ యూట్యూబ్ లో దుమ్మురేపుతోంది.
ఎన్టీఆర్, నివేద థామస్ ల మధ్య వచ్చే ‘నీకళ్ళలోని కాటుక ఓ నల్లమబ్బుకాగా….’సాంగ్ యూట్యూబ్ లో 100మిలియన్ వ్యూస్ కి చేరుకుంది. దేవిశ్రీ స్వరపరిచిన ఈ సాంగ్ రెండు బాణీలలో సాగడం గమనార్హం. ఆహ్లదంగా మొదలైన ఈ సాంగ్, నెగెటివ్ షేడ్స్ ఉన్న ఎన్టీఆర్ తో మధ్యలో గంభీరంగా సాగుతుంది. ఈపాటకు టాలీవుడ్ ఏస్ లిరిక్ రైటర్ చంద్ర బోస్ సాహిత్యం అందించారు. ఇక ప్రస్తుతం ఎన్టీఆర్ రాజమౌళి తెరకెక్కిస్తున్న మల్టీ స్టారర్ ఆర్ ఆర్ ఆర్ చిత్రంలో నటిస్తున్నారు.