‘స్పైడర్’ తర్వాత సూపర్ స్టార్ మహేష్ బాబు చేస్తున్న సినిమా కావడం వలన ‘భరత్ అనే నేను’ చిత్రంపై ప్రేక్షకుల్లో భారీ స్థాయి అంచనాలు ఏర్పడ్డాయి. అంతేగాక మహేష్ తో ‘శ్రీమంతుడు’ వంటి బ్లాక బస్టర్ ను రూపొందించిన కొరటాల శివ ఈ చిత్రాన్ని డైరెక్ట్ చేస్తుండటంతో ప్రీ రిలీజ్ బిజినెస్ భారీస్థాయిలో జరిగే సూచనలు స్పష్టంగా కనిపిస్తున్నాయి. ప్రస్తుతం ఈ చిత్రం హైదరాబాద్లో షూటింగ్ జరుపుకుంటోంది.
గత మూడు రోజుల నుండి నగరంలోని చిరాన్ ఫోర్ట్ లో షూటింగ్ జరుగుతోంది. ఈ షెడ్యూల్లోనే కీలకమైన సిఎం చాంబర్ సన్నివేశాలని షూట్ చేశారు. ఇకపోతే ముందుగా ఈ చిత్రాన్ని 2018 ఏప్రిల్ నెల 20న విడుదల చేస్తారని వార్త బయటకిరాగా ఇప్పుడు 27న రిలీజ్ చేయనున్నట్లు నిర్మాణమే సంస్థ డివివి ఎంటర్టైన్మెంట్స్ ప్రకటించింది. కైరా అద్వానీ హీరోయిన్ గా నటిస్తోన్న ఈ చిత్రానికి దేవిశ్రీ ప్రసాద్ సంగీతం అందిస్తున్నారు.