ఇండియన్ మ్యూజిక్ సెన్సేషన్, ఆస్కార్ అవార్డు గ్రహిత ఏఅర్ రెహమాన్ బ్రెజిల్ సింగర్ అన్నా బెట్రిజ్ తో కలసి పని చేస్తున్నారు. ది గ్రేట్ ఫుట్ బాల్ ప్లేయర్ ‘పీలే’ జీవితగాధ ఆధారంగా ఇంగ్లీష్ లో ‘పీలే’ అనే సినిమా రూపొందిస్తున్నారు. ఈ సినిమాకు రెహమాన్ సంగీత దర్శకుడు. రెహమాన్ కంపోజ్ చేసిన ట్యూన్ లకు లిరిక్స్ అందించడంతో పాటు స్వయంగా పాడనుంది అన్నా బెట్రిజ్. ఈ వార్తను రెహమాన్ ట్విట్టర్ లో దృవీకరించారు.
తమిళంలో రెహమాన్ సంగీతం అందించిన విక్రమ్ – శంకర్ ల ‘ఐ’ (తెలుగులో మనోహరుడు) ఆడియో సెప్టెంబర్ 15న విడుదలవుతుంది. ఈ కార్యక్రమానికి హాలీవుడ్ సూపర్ స్టార్ ఆర్నాల్డ్ ష్క్వార్జ్ నెగ్గర్ తో పాటు పలువురు సౌత్ ఇండియన్ స్టార్ హీరోలు హాజరుకానున్నారు.