చరిత్ర మరుగున పడిన మొదటితరం స్వాతంత్ర్య యోధుడు ఉయ్యాలవాడ నరసింహారెడ్డి జీవిత కథ ఆధారంగా తెరకెక్కుతున్న చిత్రం సైరా నరసింహారెడ్డి. కొణిదెల ప్రొడక్షన్స్ బ్యానర్ పై రామ్ చరణ్ నిర్మాతగా, మెగాస్టార్ చిరంజీవి నరసింహారెడ్డి పాత్రలో చేస్తున్నారు. ఇటీవల విదులైన ఈ చిత్ర టీజర్ విశేష ఆదరణ దక్కించుకుంది. దర్శకుడు సురేందర్ రెడ్డి ఈ మూవీని విజువల్ వండర్ గా తీర్చిదిద్దాడని టీజర్ చూస్తే అర్థం అవుతుంది.
ఐతే అసలు చిరంజీవి ఈ మూవీ తీయడానికి గల కారణాన్ని ఓ జాతీయ మీడియా ప్రతినిధితో పంచుకున్నారు. నిజానికి సైరా నరసింహారెడ్డి కథను తెరకెక్కించాలనే ఆలోచన పదేళ్ల క్రితమే వచ్చినప్పటికీ బడ్జెట్ పరిమితుల దృష్ట్యా ఆ సాహసం చేయలేకపోయాము అన్నారు. కానీ బాహుబలి సాధించిన విజయం,కొల్లగొట్టిన వసూళ్లు చూసిన తరువాత మంచి సినిమా చేస్తే ప్రాంతాలకు అతీతంగా విజయం సాధించవచ్చని నమ్మకం కుదిరింది. అందుకే ఇంత భారీ బడ్జెట్ తో సైరా చిత్రాన్ని నిర్మించడానికి పూనుకున్నామని చెప్పుకొచ్చారు.