కార్తీక్ సుబ్బరాజ్ దర్శకత్వంలో సూపర్ స్టార్ రజినీకాంత్ నటిస్తున్న తాజా చిత్రం ‘పెటా’ నుండి మొదటి పాట విడుదలకానుంది. ప్రముఖ గాయకుడు ఎస్ పి బాలసుబ్రమణ్యం పాడిన ‘మరాన మాస్’ అనే సాంగ్ ను రేపు సాయంత్రం 6గంటలకు విడుదల చేయనున్నారు. ఈ సాంగ్ ని వివేక్ రచించాడు. ఇక ఈచిత్రం యొక్కఆడియో విడుదల వేడుక డిసెంబర్ 9న చెన్నై లో గ్రాండ్ గా జరుగనుంది . పక్కా మాస్ ఎంటర్టైనర్ గా రానున్న ఈచిత్రంలో రజినీ రెండు డిఫ్రెంట్ గెటప్ లలో కనిపించనున్నాడు.
సన్ పిక్చర్స్ నిర్మిస్తున్న ఈ చిత్రంలో నవాజుద్దిన్ సిద్దిఖీ , విజయ్ సేతుపతి , సిమ్రాన్ , త్రిష , మెగా ఆకాష్ ముఖ్య పాత్రల్లో నటిస్తున్నారు. అనిరుద్ రవి చంద్రన్ సంగీతం అందిస్తున్న ఈ చిత్రం వచ్చే ఏడాది జనవరిలో పొంగల్ కానుకగా విడుదలకానుంది. ఇక ప్రస్తుతం రజినీ నటించిన ‘2.0’ ఇటీవల విడుదలై థియేటర్లలో సందడి చేస్తుంది. ఇటీవల వరుస పరాజయాలను చవిచూసిన తలైవా ఈ చిత్రం తో మళ్ళీ ఫామ్ లోకి వచ్చాడు.