మెగాస్టార్ చిరంజీవి నటిస్తున్న ‘సైరా నరసింహారెడ్డి’ చిత్రం గత డిసెంబర్లో మొదలై మొదటి షెడ్యూల్ ను కూడా పూర్తిచేసుకుంది. ప్రస్తుతం చిరంజీవితో సహా టీమ్ మొత్తం సెలవుల్లో ఉన్నారు. అవి పూర్తికాగానే ఫిబ్రవరి మొదటి వారం నుండి కొత్త షెడ్యూల్ మొదలుకానుంది. ఈ షెడ్యూల్ ను తమిళనాడులోని పొల్లాచ్చిలో జరపనున్నారు.
ఇందులో కొన్ని భారీ యాక్షన్ సన్నివేశాల్ని చిత్రీకరించనున్నారు టీమ్. కొణిదల ప్రొడక్షన్స్ బ్యానర్ పై రామ్ చరణ్ నిర్మిస్తున్న ఈ భారీ బడ్జెట్ చిత్రంలో నయనతార కథానాయకిగా నటిస్తుండగా, అమితాబ్ బచ్చన్, విజయ్ సేతుపతి, సుదీప్ వంటి స్టార్ నటీ నటులు పలు కీలక పాత్రల్లో నటిస్తున్నారు. సురేందర్ రెడ్డి డైరెక్ట్ చేస్తున్న ఈ చిత్రానికి ఇంకా సంగీత దర్శకుడెవరనేది నిర్ణయింపబడలేదు.