స్వతహాగా తెలుగమ్మాయి, కానీ ఒకేసారి తెలుగు, తమిళ భాషల్లో గుర్తింపు తెచ్చుకున్నా ముద్దు గుమ్మ అంజలి. తెలుగులో అంజలి నటించిన సీతమ్మ వాకిట్లో సిరిమల్లె చెట్టు సినిమా ద్వారా తెలుగు ప్రేక్షకుల మదిని గెలుచుకున్న ఈ భామ ప్రస్తుతం తెలుగు, తమిళ భాషల్లో నాలుగు పైగా సినిమాలను చేస్తోంది. కొద్ది సంవత్సరాల క్రితం అంజలి తన పిన్ని క్రియేట్ చేసిన వివాదంలో చిక్కుకొని ఇబ్బందులు పడింది. ఆ వివాదాల నుంచి ఎలాగో బయటపడిన అంజలి ప్రస్తుతం వరుసగా సినిమాలు చేస్తూ బిజీగా ఉంది.
కానీ తాజాగా అంజలి మరో వివాదంలో ఇరుక్కుంది. అంజలి తమిళంలో చేస్తున్న సినిమా ‘మాప్పిల్లై సింగం’. గత ఏడాది స్టార్ట్ అయిన ఈ సినిమా కోసం అంజలి 54 రోజులు కాల్షీట్స్ ఇచ్చింది. కానీ మేకర్స్ వాటిని సరిగా వాడుకోకుండా అందులో సగం రోజులు మాత్రమే షూటింగ్ కి వినియోగించుకున్నారు. దాంతో మిగిలిన టాకీ పార్ట్ ని పూర్తి చేయడం కోసం ఈ చిత్ర మేకర్స్ మళ్ళీ అంజలిని ఫ్రెష్ డేట్స్ ఇమ్మని అడుగుతున్నారు. కానీ ప్రస్తుతం అంజలి పలు తెలుగు సినిమాల షూటింగ్ లో బిజీగా ఉంది. దాంతో అంజలి ‘మాప్పిల్లై సంగం’ సినిమా షూటింగ్ ని హైదరాబాద్ లో పెట్టుకోమని కోరింది. దానికి ఈ చిత్ర మేకర్స్ ఒప్పుకోకుండ్ అంజలి తమ సినిమా షూటింగ్ కి కోపరేట్ చేయడం లేదనే కొత్త వివాదాన్ని తెరపైకి తీసుకువచ్చారు. దాంతో అంజలి జరిగిన విష్యం చెప్పడమే కాకుద్నా మీడియాలో తనపై నెగటివ్ కామెంట్స్ చేయకండని మీడియా వారికి విజ్ఞప్తి చేసింది.