అలనాటి నటి సావిత్రి జీవిత చరిత్ర ఆధారంగా ‘మహానటి’ చిత్రం తెరకెక్కుతున్న విషయం తెలిసిందే. ప్రియాంక దత్ ఈ సినిమాను నిర్మిస్తోంది. ఈ మూవీలో కీర్తి సురేష్ సావిత్రి పాత్రలో కనువిందు చెయ్యనుంది. ‘ఎవడే సుబ్రహ్మణ్యం’ చిత్ర దర్శకుడు నాగ అశ్విన్ ఈ సినిమాకు దర్శకుడు. షూటింగ్ చివరి దశలో ఉన్న ఈ మూవీకి సంబందించి చిన్న సర్ప్రైజ్ ప్లాన్ చేసారు చిత్ర యూనిట్.
డిసెంబర్ 6 అనగా రేపు సావిత్రి జయంతి సందర్భంగా ‘మహానటి’ సినిమాకు సంబందించి ఒక ఆసక్తికరమైన అప్డేట్ ను విడుదలచేయనున్నారు. ఆ అప్డేట్ పోస్టరా, టీజరా లేకపోతే వేరే ఏదైనా అయ్యుంటుందా అనేది చూడాల్సి ఉంది. తెలుగు, తమిళ భాషలలో రూపొందుతున్నఇందులో సమంతతో పాటు విజయ్ దేవరకొండ, మోహన్ బాబు, దుల్కర్ సల్మాన్ వంటి ప్రముఖ నెట్న టులు కీలక పాత్రల్లో కనిపించబోతున్నారు.