టాలీవుడ్లో తెరకెక్కుతున్న ప్రెస్టీజియస్ మైథలాజికల్ చిత్రం ‘కన్నప్ప’ ప్రేక్షకుల్లో సాలిడ్ అంచనాలు క్రియేట్ చేసింది. ఈ సినిమాలో భక్త కన్నప్ప పాత్రలో మంచు విష్ణు నటిస్తుండగా బాలీవుడ్ డైరెక్టర్ ముఖేష్ కుమార్ సింగ్ ఈ చిత్రాన్ని ప్రెస్టీజియస్గా డైరెక్ట్ చేస్తున్నారు. డా.మోహన్ బాబు ఈ భారీ పాన్ ఇండియా చిత్రాన్ని అత్యంత భారీ బడ్జెట్తో ప్రొడ్యూస్ చేస్తున్నారు. ఇప్పటికే ఈ సినిమా నుంచి రిలీజ్ అయిన పోస్టర్స్, టీజర్, ఫస్ట్ సింగిల్ సాంగ్ ప్రేక్షకులను ఆకట్టుకున్నాయి.
ఇక ఈ సినిమా నుంచి ఇప్పుడు మరో కొత్త అప్డేట్ ఇచ్చేందుకు చిత్ర యూనిట్ సిద్ధమయ్యింది. ఈ సినిమాలోని లవ్ సాంగ్ను రెండో పాటగా మార్చి 10న రిలీజ్ చేస్తున్నట్లు చిత్ర యూనిట్ తెలిపింది. కన్నప్ప జీవితంలో భక్తితో పాటు ప్రేమ కూడా ఉందని.. అది ప్రేక్షకులను ఆకట్టుకునే విధంగా చూపెట్టబోతున్నామని చిత్ర యూనిట్ చెబుతుంది. ‘శివ శివ శంకరా’ సాంగ్ ఎలాగైతే హిట్ అయ్యిందో, ఈ లవ్ సాంగ్ కూడా అందరినీ ఆకట్టుకుంటుందని చిత్ర యూనిట్ ధీమా వ్యక్తం చేస్తుంది.
ఈ సినిమాలో మోహన్ బాబు, శరత్ కుమార్, మోహన్ లాల్, ప్రభాస్, అక్షయ్ కుమార్, కాజల్ తదితరులు కీలక పాత్రల్లో నటిస్తున్నారు. ఈ చిత్రానికి స్టీఫెన్ డివాస్సి సంగీతం అందిస్తున్నాడు. ఏప్రిల్ 25న ఈ చిత్రాన్ని గ్రాండ్ రిలీజ్ చేసేందుకు మేకర్స్ రెడీ అవుతున్నారు.