రెబల్ స్టార్ ప్రభాస్ (Prabhas) హీరోగా, డైరెక్టర్ నాగ్ అశ్విన్ దర్శకత్వంలో తెరకెక్కుతున్న పాన్ వరల్డ్ మూవీ కల్కి 2898ఏ. డి (Kalki2898 AD) జూన్ 27, 2024 న వరల్డ్ వైడ్ గా థియేటర్ల లో రిలీజ్ కి రెడీ అయిపోయింది. ఈ చిత్రం నుండి రిలీజైన ప్రచార చిత్రాలు సినిమా పై మంచి హైప్ ను క్రియేట్ చేస్తున్నాయి. బుజ్జి X భైరవ గ్లింప్స్ కి ఆడియెన్స్ నుండి సూపర్ రెస్పాన్స్ వచ్చింది. గ్రాండ్ ఈవెంట్ తో ఒక్కసారిగా కల్కి మూవీ హాట్ టాపిక్ గా మారిపోయింది.
అయితే ఇప్పుడు అందరి కళ్లు కూడా ట్రైలర్ లాంఛ్ ఈవెంట్ పైనే ఉన్నాయి. ఒక్క చిన్న గ్లింప్స్ వీడియో కే ఈ రేంజ్ ఈవెంట్ ను ప్లాన్ చేస్తే, ట్రైలర్ లాంఛ్ ఇంక ఏ రేంజ్ లో ఉండబోతుంది అనే దానిపై అభిమానుల్లో ఆసక్తి నెలకొంది. జూన్ మొదటి వారంలో ట్రైలర్ లాంఛ్ ఈవెంట్ పై క్లారిటీ వచ్చే అవకాశాలు కనిపిస్తున్నాయి. బాలీవుడ్ స్టార్ హీరోయిన్లు దీపికా పదుకునే, దిశా పటాని లు ఫిమేల్ లీడ్ రోల్స్ లో నటిస్తుండగా, యూనివర్సల్ స్టార్ హీరో కమల్ హాసన్, బాలీవుడ్ మెగాస్టార్ అమితాబ్ బచ్చన్ లు కీలక పాత్రల్లో కనిపించనున్నారు. ఈ క్రేజీ ప్రాజెక్ట్ కి సంతోష్ నారాయణన్ అధ్బుతమైన సంగీతం అందిస్తున్నారు.