నేటి తరం భార్యాభర్తల బంధాన్ని, పెళ్లి తర్వాత పురుషులు ఎదుర్కొనే సరదా ఇబ్బందులను ఇతివృత్తంగా తీసుకుని తెరకెక్కిన చిత్రం ‘పురుష:’. పవన్ కళ్యాణ్ బత్తుల హీరోగా పరిచయమవుతున్న ఈ సినిమా టీజర్ను ప్రముఖ దర్శకుడు బుచ్చిబాబు సానా తాజాగా విడుదల చేశారు. టీజర్ ఆద్యంతం వినోదభరితంగా సాగుతూ సినిమాపై అంచనాలను పెంచేసింది. ముఖ్యంగా సప్తగిరి చెప్పిన “షాపింగ్” డైలాగ్ ప్రస్తుత పరిస్థితులకు అద్దం పడుతోంది.
కళ్యాణ్ ప్రొడక్షన్స్ బ్యానర్పై బత్తుల కోటేశ్వరరావు నిర్మిస్తున్న ఈ చిత్రానికి వీరు వులవల దర్శకత్వం వహిస్తున్నారు. భార్య ప్రాముఖ్యతను గుర్తుచేస్తూనే, అవుట్ అండ్ అవుట్ కామెడీ ఎంటర్టైనర్గా దీనిని రూపొందించారు. ఇప్పటికే విడుదలైన పోస్టర్లు సోషల్ మీడియాలో వైరల్ కాగా, తాజాగా వచ్చిన టీజర్ సినిమాపై క్యూరియాసిటీని మరింత పెంచింది.
ఈ చిత్రంలో సప్తగిరి, వెన్నెల కిషోర్, కాసిరెడ్డి రాజకుమార్, వి.టి.వి. గణేష్ వంటి భారీ తారాగణం నవ్వులు పూయించనుంది. శ్రవణ్ భరద్వాజ్ సంగీతం అందిస్తున్న ఈ సినిమా ప్రస్తుతం పోస్ట్ ప్రొడక్షన్ దశలో ఉంది. త్వరలోనే విడుదల తేదీని ప్రకటించనున్నట్లు మేకర్స్ తెలిపారు.
వీడియో కోసం ఇక్కడ క్లిక్ చేయండి