విపరీతమైన అంచనాల మధ్య, బాలీవుడ్ బిగ్గీ పఠాన్ ఈరోజు పెద్ద థియేటర్ల లో విడుదల అయ్యింది. సిద్దార్థ్ ఆనంద్ దర్శకత్వం వహించిన ఈ స్పై యాక్షన్ థ్రిల్లర్ ద్వారా కింగ్ ఖాన్ షారుక్ మరోసారి తన సత్తా చాటాలని అనుకుంటున్నాడు. దర్శకుడి మునుపటి చిత్రం వార్ ఇండియన్ బాక్సాఫీస్ వద్ద సెన్సేషన్ క్రియేట్ చేయడం జరిగింది. సిద్దార్థ్ ఆనంద్ కంటెంట్‌తో మంచి విజయాన్ని అందిస్తాడని షారుక్ అభిమానులు ఆశిస్తున్నారు.
తాజాగా ఈ సినిమా డిజిటల్ హక్కులను అమెజాన్ ప్రైమ్ వీడియో సొంతం చేసుకున్నట్లు సమాచారం. అదే చిత్రం ముగింపు క్రెడిట్‌ల సమయంలో ప్రదర్శించబడింది. టాక్ తో సంబంధం లేకుండా ఫస్ట్ వీకెండ్ భారీగా వసూళ్లు రానున్నాయి. మరి ఈ సినిమాతో బాలీవుడ్ బాద్ షా ఎలాంటి రికార్డులను చెరిపేస్తాడో చూడాలి. గతంలో షారుక్‌తో బ్లాక్‌బస్టర్‌లు సాధించిన దీపికా పదుకొణె, ఈ భారీ బడ్జెట్ యాక్షన్ చిత్రంలో హీరోయిన్ గా నటించింది. యశ్ రాజ్ ఫిలింస్ నిర్మించిన ఈ చిత్రం లో జాన్ అబ్రహం కీలక పాత్రలో నటించారు.