Like us on Facebook
 
నాని ఇచ్చిన సప్రైజ్ చాలా బాగుంది!


నాని మరోసారి తన అభిమానులకు మంచి సప్రైజ్ ఇచ్చాడు. నిన్న చెప్పినట్టే కొద్దిసేపటి క్రితమే నాని తను నూతన దర్శకుడు శివ నిర్వాణ డైరెక్షన్లో చేస్తున్న కొత్త చిత్రం యొక్క ఫస్ట్ లుక్ ను రిలీజ్ చేశాడు. ఆ ఫస్ట్ లుక్ లోనే సినిమా టైటిల్ ‘నిన్ను కోరి’ అని కూడా తెలుస్తోంది. నాని అభిమానులు అతని నుండి ఎలాంటి సినిమాలను కోరుకుంటారో అలానే ఉన్నాయి ఫస్ట్ లుక్, టైటిల్. రొమాంటిక్ ఫీల్ పుష్కలంగా ఉట్టిపడుతున్న ఈ పోస్టర్ లో నాని లుక్ కూడా కొత్తగా ఉండి బాగా ఆకట్టుకుంటోంది.

ప్రస్తుతం యూఎస్ లో షూటింగ్ జరుపుకుంటున్న ఈ చిత్రంలో నివేతా థామస్ హీరోయిన్ గా నటిస్తోంది. గతంలో వీరిద్దరి కాంబినేషన్లో వచ్చిన ‘జెంటిల్మెన్’ చిత్రం మంచి విజయం సాధించడంతో వీరిద్దరి జంట బాగా పాపులర్ అయింది. డివివి ఎంటర్టైన్మెంట్స్ బ్యానర్ పై ప్రముఖ నిర్మాత డివివి దానయ్య నిర్మిస్తున్న ఈ సినిమాలో నటుడు ఆది ఒక కీ రోల్ పోషిస్తుండగా గోపి సుందర్ సంగీతం అందిస్తున్నాడు.

Bookmark and Share