Like us on Facebook
 
డ్రీమ్ ప్రాజెక్ట్ ని పూర్తి చేసిన స్టార్ హీరో!


తమిళ స్టార్ హీరో ధనుష్ తనలో గొప్ప నటుడే కాకుండా దర్శకుడు కూడా ఉన్నాడని చెప్పడానికి ‘పవర్ పాండి’ అనే చిత్రాన్ని డైరెక్ట్ చేస్తున్న సంగతి తెలిసిందే. ధనుష్ ఈ సినిమాని డైరెక్ట్ చేయడమే కాక స్వయంగా రచించి, నిర్మిస్తున్నారు కూడా. 2016 లో మొదలైన ఈ చిత్ర షూటింగును ధనుష్ ఒకవైపు తన వేరే సినిమాల్లో నటిస్తూనే అనుకున్న సమయానికి పూర్తి చేస్తూ నిన్నటితో ముగించేశారు.

ఈ విషయాన్ని తన ట్విట్టర్ ద్వారా చెబుతూ ‘పవర్ పాండి షూటింగ్ పూర్తయింది. నా కల నెరవేరడానికి నాకు సహాయపడిన, సపోర్ట్ చేసిన వారందరికీ నా కృతజ్ఞతలు’ అన్నారు ధనుష్. వండర్ బార్ ఫిలిమ్స్ పతాకంపై రూపుదిద్దుకున్న ఈ చిత్రంలో రాజకిరణ్ ప్రధాన పాత్రలో నటించగా గౌతమ్ మీనన్, ధనుష్ లు గెస్ట్ రోల్స్ లో కనిపించనున్నారు. ఇకపోతే ఈ సినిమా యొక్క ఆడియో వేడుకను మార్చి 9న నిర్వహించి ఏప్రిల్ 14న సినిమాను రిలీజ్ చేసేందుకు ప్లాన్ చేస్తున్నారు.

Bookmark and Share