అవతార్ సినిమాతో సినీ అభిమానులను స‌రికొత్త అద్బుత ప్ర‌పంచంలోకి తీసుకెళ్లిన హాలీవుడ్ లెజెండ‌రీ ద‌ర్శ‌కుడు జేమ్స్ కామెరాన్ ఆ సినిమాకు సీక్వెల్‌గా అవతార్-2 సినిమాను కూడా తెరకెక్కిస్తున్న సంగతి తెలిసిందే. 21 సెంచరీ ఫాక్స్ ఐఎన్‌సీ ఎంటర్‌టైన్‌మెంట్స్ నిర్మిస్తున్న ఈ చిత్రాన్ని ఎన్నడూ లేని విధంగా ఏకంగా 160 భాషల్లో డిసెంబర్ 16న ప్రపంచవ్యాప్తంగా విడుదల చేయనున్న సంగతి తెలిసిందే. ఇటీవల ఈ మూవీ టీజర్ ట్రైలర్‌ను ‘డాక్టర్ స్ట్రేంజ్: ఇన్ ది మల్టీవర్స్ ఆఫ్ మ్యాడ్నెస్’ సినిమా ప్రదర్శించే థియేటర్లలో విడుదల చేశారు.
అయితే ‘అవతార్: ది వే ఆఫ్ వాటర్’ టీజర్ ట్రైలర్‌ను తాజాగా సోషల్‌ మీడియా వేదికగా రిలీజ్ చేసింది చిత్ర బృందం. ఈ ట్రైలర్ పండోరా గ్రహానికి సంబంధించిన విజువల్స్‌తో ప్రారంభం కాగా సముద్రంపై అవతార్‌లు అందంగా నిర్మించుకున్న ఇళ్లు, సంద్రం లోపల వారు పక్షులపై ఈదుకుంటూ వెళ్తున్న దృశ్యాలు కనువిందు చేసేలా ఉన్నాయి. మొత్తానికి ఈ ట్రైలర్ ఆసక్తిగా, అద్భుతంగా అనిపించింది.
“Wherever we go, this family is our fortress.”
Watch the brand-new teaser trailer for #Avatar: The Way of Water. Experience it only in theaters December 16, 2022. pic.twitter.com/zLfzXnUHv4
— Avatar (@officialavatar) May 9, 2022