అక్కినేని యంగ్ అండ్ ఫైనెస్ట్ హీరో నాగ చైతన్య నటించిన తన మొట్ట మొదటి ఓటిటి సిరీస్ “దూత” కోసం ఇప్పుడు ఓటిటి లవర్స్ కి కానీ తెలుగు ఆడియెన్స్ కానీ ప్రత్యేకంగా చెప్పక్కర్లేదు. దర్శకుడు విక్రమ్ కుమార్ తో చేసిన ఈ హారర్ అండ్ క్రైమ్ థ్రిల్లర్ తో చైతు ఈ ఏడాది సాలిడ్ హిట్ ని అయితే ఫ్యాన్స్ కి అందించాడు. మరి రిలీజ్ అయ్యిన రోజు నుంచే మంచి పాజిటివ్ టాక్ ని తెచ్చుకోవడంతో స్ట్రీమింగ్ యాప్ అమెజాన్ ప్రైమ్ వీడియోలో ఈ సిరీస్ కి భారీ రెస్పాన్స్ అందుకుంది.
దీనితో మొదటి వారం కూడా ఇండియా వైడ్ నెంబర్ 1 ప్లేస్ లో ఈ సిరీస్ ట్రెండింగ్ లో నిలవగా మరి రెండో వారంలో కూడా ఈ సిరీస్ నెంబర్ 1 స్థానంలోనే ట్రెండ్ లో కంటిన్యూ అవుతూ హవా కొనసాగిస్తుంది. మొత్తానికి అయితే చైతూ ఓటిటిలో ఒక మాసివ్ డెబ్యూ అందుకున్నాడని చెప్పొచ్చు. ఇక ఈ సిరీస్ లో ప్రియా భవాని శంకర్, ప్రాచి దేశాయ్ అలాగే పశుపతి, గౌతమ్, తరుణ్ భాస్కర్ లు కీలక పాత్రల్లో నటించారు.