వివిధ సామాజిక మాధ్యమాల హోరులో కూడా తనదైన ఉనికిని , విలువలను కోల్పోకుండా అమృతమయమైన విశేషాలతో గ్రంధాలను రచించి, సంకలనీకరించి, లాభాపేక్ష అస్సలు లేకుండా ప్రచురిస్తున్న ప్రముఖ రచయిత పురాణపండ శ్రీనివాస్ బృహత్తరంగా అందిస్తున్న అపురూప ధార్మిక గ్రంధాలు అటు సాధకులను, యిటు భక్త పాఠకులను విశేషంగా ఆకట్టుకుంటున్నాయి.
ఆదిపురుష్ తెలుగు నిర్మాత , ప్రముఖ పారిశ్రామిక వేత్త, పీపుల్స్ మీడియా ఫ్యాక్టరీ చైర్మన్ టి.జి.విశ్వప్రసాద్ తన తల్లి జ్ఞాపకార్ధం ( ప్రముఖ రచయిత పురాణపండ శ్రీనివాస్ రచనా ప్రచురణగా ) పరమాద్భుతమైన ” శ్రీమాలిక ” అద్భుత గ్రంధాన్ని …. మంత్ర సంపదతో ఒక దివ్య గ్రంధంగా అందించి కొన్ని వేల ప్రతులను తెలుగు చలన చిత్ర పరిశ్రమలో వివిధ శాఖల వారికి మాతృస్మృతిగా ఈ సోమవారం బహూకరించడం పట్ల జంటనగరాలకు చెందిన కొందరు పారిశ్రామికవేత్తలు , సినీ ప్రముఖులు విశ్వప్రసాద్ ని ప్రత్యేకంగా అభినందించారు.
ఆలయాలలో, మఠాలలో, పీఠాలలో , ధార్మిక మండళ్లలో ఉపయోగపడే ప్రత్యేక పవిత్రఅంశాలతో ఈ దివ్యగ్రంధాన్ని తన మిత్రులు , పార్టనర్ వివేక్ కూచిభొట్ల ప్రత్యేక శ్రద్ధతో ఈ గ్రంధాన్ని పురాణపండ శ్రీనివాస్ చే ఒక మంత్రపేటికలా శోభింపచేశారని ఈ సందర్భంగా విశ్వప్రసాద్ చెప్పారు.
సుమారు రెండువందల డెబ్బై రెండు పేజీలతో ఎంతో దైవీయ కారుణ్యాన్ని వర్షిస్తున్న ఈ పారంపుణ్యాల గ్రంధాన్ని యిన్ని వేలమందికి ఉచితంగా అందించే భాగ్యంకలగడం తన పూర్వ జన్మ సుకృతంగా విశ్వప్రసాద్ , వందన విశ్వప్రసాద్ భావించడం వారి పవిత్రహృదయానికి , సమర్పణా భావనకు నిదర్శనం.
ఎప్పుడో గానీ ఇలాంటి అద్భుతమైన గ్రంధాలు లభించవని , ఇప్పుడు విశ్వప్రసాద్ తల్లి గీతాంజలి జ్ఞాపకంగా ఈ పుణ్యపేటిక లభించిందని పలువురు ప్రముఖులు అభినందించడం కనిపించింది.
