జక్కన్న రాజమౌళి దర్శకత్వంలో తెరకెక్కిన బాహుబలి సిరీస్ చిత్రాలు వరల్డ్ వైడ్ గా సూపర్ క్రేజ్ ను సొంతం చేసుకున్నాయి. ఈ చిత్రాలకి ప్రీక్వెల్ గా తెరకెక్కిన బాహుబలి క్రౌన్ ఆఫ్ బ్లడ్ యానిమేటెడ్ సిరీస్ కి సంబందించిన పలు ఆసక్తికర విషయాలు వెల్లడించారు మేకర్స్. నేడు మీడియా తో జరిగిన ఇంటరాక్షన్ లో పలు విషయాలు వెల్లడించారు. ముఖ్యం గా బాహుబలి ను అంతర్జాతీయం గా అందరికీ తెలిసేలా ప్లాన్ చేస్తున్నట్లు తెలుస్తోంది.
బాహుబలి అనేది చాలా ప్లాట్ ఫామ్ లలో రాబోతుంది అని, చాలా రకాలుగా రానుంది అని అన్నారు. అంతేకాక ఈ యానిమేటెడ్ సిరీస్ కేవలం ప్రారంభం మాత్రమే అని అన్నారు అందుకు వేరే ప్లాన్ చేసినట్లు తెలిపారు. వివరాలు వెల్లడించడానికి ఇది సరైన ప్లాట్ ఫామ్ కాదని అన్నారు రాజమౌళి. ఈ యానిమేటెడ్ సిరీస్ పై ప్రేక్షకుల్లో, అభిమానుల్లో క్యూరియాసిటి నెలకొంది. డిస్నీ ప్లస్ హాట్ స్టార్ లో మే 17 నుండి ఈ సిరీస్ ప్రసారం కానుంది.