లోక నాయకుడు కమల్ హాసన్ (Kamal Haasan) హీరోగా కాజల్ అగర్వాల్ (Kajal), రకుల్ ప్రీత్ సింగ్ అలాగే సిద్ధార్థ్ ల కలయికలో దర్శకుడు శంకర్ తెరకెక్కిస్తున్న భారీ చిత్రం “ఇండియన్ 2” కోసం అందరికీ తెలిసిందే. మన తెలుగు ఆడియెన్స్ కి మాత్రం “భారతీయుడు” గా సుపరిచితం అయ్యిన ఈ చిత్రం సీక్వెల్ “భారతీయుడు 2” గా అయితే రాబోతుంది.
ఇక ఈ సినిమా విషయంలో మరోసారి సస్పెన్స్ మొదలైంది. అనుకున్న సమయానికి రిలీజ్ లేకపోవడం వాయిదా పడడంతో అంచనాలు మరింత సన్నగిల్లుతున్నాయి. అయితే ఇప్పుడు సినిమా ఆలస్యానికి ఉన్న మరో కారణాల్లో ఇప్పుడు ఓ సాంగ్ షూట్ కూడా అన్నట్టుగా వినిపిస్తుంది.
షూటింగ్ అంతా ఎప్పుడో అయిపోయింది అని కమల్ ప్రకటించారు. కానీ ఇప్పుడు శంకర్ కమల్ పై మరో సాంగ్ తెరకెక్కించనున్నారని రూమర్స్ వినిపిస్తున్నాయి. దీనితో భారతీయుడు 2 ఆలస్యానికి ఇదొక కారణం కూడా కావచ్చని టాక్. మరి అసలు ఈ సినిమా ఎప్పుడు పూర్తవుతుందో ఎప్పుడు రిలీజ్ అవుతుందో చూడాలి.