బాలీవుడ్ బాద్షా షారుఖ్ ఖాన్ హీరోగా తాప్సి పన్ను హీరోయిన్ గా టాలెంటెడ్ నటుడు విక్కీ కౌశల్ మరో ముఖ్య పాత్రలో బాలీవుడ్ టాప్ దర్శకుడు రాజ్ కుమార్ హిరానీ తెరకెక్కించిన కామెడీ అండ్ ఎమోషనల్ డ్రామా చిత్రం “డంకి”. మరి ఈ ఏడాదికి షారుఖ్ నుంచి వచ్చిన మూడో సినిమా ఇది కాగా ఈ చిత్రానికి కూడా షారుఖ్ డీసెంట్ టాక్ ని అయితే అందుకున్నాడు.
మరి ఈ సినిమా బాక్సాఫీస్ పెర్ఫామెన్స్ ని పక్కన పెడితే ఈ సినిమా ఓటిటి హక్కులకు సంబంధించి బజ్ తెలుస్తుంది. ఈ సినిమా స్ట్రీమింగ్ ప్లాట్ ఫామ్ ఏది కూడా అధికారికంగా మేకర్స్ రివీల్ చేయలేదు. కాకపోతే ఈ సినిమా స్ట్రీమింగ్ హక్కులు అయితే ప్రముఖ సంస్థ జియో సినిమా సొంతం చేసుకున్నట్టుగా తెలుస్తుంది. ఈ సినిమా నిర్మాణంలో జియో స్టూడియోస్ వారు కూడా భాగం కాబట్టి దీనికి హై ఛాన్స్ లు ఉన్నట్టుగా సమాచారం. దీనితో డంకి సినిమా ఓటిటి పై అయితే మున్ముందు క్లారిటీ రానుంది.