కిచ్చా సుదీప్ టైటిల్ రోల్‌లో నటించిన శాండల్‌వుడ్ సినిమా విక్రాంత్ రోణ జూలై 28, 2022న ప్రపంచవ్యాప్తంగా గ్రాండ్‌గా విడుదల కానుంది. అనూప్ భండారి దర్శకత్వం వహించిన ఈ భారీ బడ్జెట్ మూవీని టీమ్ అంతా దూకుడుగా ప్రమోట్ చేస్తున్నారు. ఈ సినిమా హిందీ వెర్షన్ ప్రీ రిలీజ్ ఈవెంట్ ఈరోజు సాయంత్రం ముంబైలో జరగనుండగా, బాలీవుడ్ స్టార్ హీరో సల్మాన్ ఖాన్ ఈ వేడుకకు ముఖ్య అతిథిగా హాజరుకానున్నారు.
రేపు ఈ సినిమా ప్రీ రిలీజ్ ఈవెంట్ హైదరాబాద్, బెంగళూరులో జరగనుంది. తెలుగు ప్రీ రిలీజ్ ఈవెంట్‌కు అక్కినేని నాగార్జున హాజరు కానుండగా, బెంగుళూరు ఈవెంట్‌కు ఉపేంద్ర హాజరు కావడం ఖాయమైంది. తెలుగు ఈవెంట్ రేపు ఉదయం 10 గంటలకు జరుగుతుంది. మరియు కన్నడ ఈవెంట్ సాయంత్రం 06:30 గంటలకు జరుగుతుంది. నిరూప్ భండారి, నీతా అశోక్ మరియు జాక్వెలిన్ ఫెర్నాండెజ్ కూడా ఈ భారీ బడ్జెట్ సినిమాలో భాగం. షాలిని ఆర్ట్స్ నిర్మించిన ఈ ఫాంటసీ యాక్షన్ అడ్వెంచర్ థ్రిల్లర్‌కి అజనీష్ లోక్‌నాథ్ సంగీతం అందించారు. ఈ చిత్రం కన్నడ, తెలుగు, తమిళం, మలయాళం, హిందీ భాషల్లో విడుదల కానుంది.