కోలీవుడ్ సినిమా నుంచి ఉన్నటువంటి హీరోస్ లో మన తెలుగులో కూడా మంచి ఆదరణ అందుకున్న వారిలో మల్టీ టాలెంటెడ్, నటుడు, దర్శకుడు, సంగీత దర్శకుడు అయినటువంటి విజయ్ ఆంటోనీ కూడా ఒకరు. మరి “బిచ్చగాడు” తో తెలుగు ఆడియెన్స్ కి దగ్గరైన తాను అక్కడ నుంచి మరిన్ని సినిమాలు తెలుగులో విడుదల చేస్తూ వస్తున్నాడు.
అలా ఇటీవల రిలీజ్ చేసిన తాజా చిత్రమే “లవ్ గురు”. తమిళ్ లో రోమియో గా రిలీజ్ చేసిన ఈ సినిమాలో యంగ్ హీరోయిన్ మిర్నాలిని రవి నటించింది. మరి ఈ చిత్రాన్ని ఓటిటి ప్లాట్ ఫామ్ ఆహా వారు మొదట దక్కించుకున్న సంగతి తెలిసిందే. ఇందులో ఈ సినిమా మే 10 నుంచి స్ట్రీమింగ్ కి వస్తున్నట్టుగా ముందు డేట్ లాక్ అయ్యింది.
అయితే ఇప్పుడు దీనితో పాటుగా మరో స్ట్రీమింగ్ యాప్ అమెజాన్ ప్రైమ్ వీడియో వారు కూడా న్యూస్ తీసుకొచ్చారు. ఈ చిత్రం అదే తేదీ నుంచి ప్రైమ్ వీడియోలో కూడా వస్తున్నట్టుగా కన్ఫర్మ్ చేశారు. సో అప్పుడు మిస్ అయ్యినవారు ఈ మే 10 నుంచి ఈ రెండిటిలో చిత్రాన్ని వీక్షించవచ్చు. ఇక ఈ చిత్రానికి వినాయక్ దర్శకత్వం వహించగా భారత్ ధనశేఖర్ సంగీతం అందించారు.