లైగర్ నా ఫ్యాన్స్ కి అంకితం – విజయ్ దేవరకొండ

Published on Jul 21, 2022 12:44 pm IST

యంగ్ సెన్సేషన్ విజయ్ దేవరకొండ నటించిన లైగర్ సినిమా ట్రైలర్ ఈరోజు విడుదలైంది. సెన్సేషనల్ డైరెక్టర్ పూరీ జగన్నాధ్ దర్శకత్వం వహించిన ఈ సినిమా ట్రైలర్‌ను హైదరాబాద్‌లోని సుదర్శన్ 35 ఎంఎం థియేటర్‌లో చిత్ర బృందం విడుదల చేసింది. ఈ కార్యక్రమంలో విజయ్ దేవరకొండ తన అభిమానులను ఉద్దేశించి మాట్లాడుతూ లైగర్‌ను వారికి అంకితం ఇస్తున్నట్లు తెలిపాడు.

అతను బీస్ట్ లా రూపాంతరం చెందాడని మరియు తన రౌడీ అబ్బాయిలు గర్వపడేలా మాత్రమే నృత్యాలు చేశా అని పేర్కొన్నాడు. ట్రయిలర్‌ను భారీ హిట్ చేసినందుకు విజయ్ వారికి కృతజ్ఞతలు తెలిపాడు మరియు ఆగస్టు 25, 2022న అదే ఉత్సాహాన్ని సృష్టించమని వారిని కోరాడు. విడుదల రోజున యావత్ భారతదేశం షేక్ అవుతుంది అని అర్జున్ రెడ్డి నటుడు పేర్కొన్నాడు. అనన్య పాండే, రమ్య కృష్ణన్ మరియు మైక్ టైసన్ కీలక పాత్రల్లో నటించిన లైగర్ (సాలా క్రాస్‌బ్రీడ్)ని పూరి కనెక్ట్స్ మరియు ధర్మ ప్రొడక్షన్స్ సంయుక్తంగా నిర్మించాయి. తెలుగు, తమిళం, హిందీ, మలయాళం, కన్నడ భాషల్లో ఈ చిత్రాన్ని భారీగా విడుదల చేసేందుకు చిత్ర యూనిట్ సన్నాహాలు చేస్తుంది.

సంబంధిత సమాచారం :