ఇళయ దళపతి విజయ్ జోసెఫ్ హీరోగా మీనాక్షి చౌదరి హీరోయిన్ గా దర్శకుడు వెంకట్ ప్రభు తెరకెక్కించిన ఇంట్రెస్టింగ్ సైన్స్ ఫిక్షన్ థ్రిల్లర్ చిత్రం “ది గ్రేటెస్ట్ ఆఫ్ ఆల్ టైం” కోసం అందరికీ తెలిసిందే. ఇది విజయ్ కెరీర్ లో 68వ సినిమాగా తెరకెక్కిస్తుండగా భారీ అంచనాలు నెలకొన్నాయి. అయితే ఈ చిత్రంలో విజయ్ డ్యూయల్ రోల్ చేస్తుండగా ఈ సినిమాకి భారీ బిజినెస్ జరుగుతున్న సంగతి కూడా తెలిసిందే.
అయితే ఇది వరకే ఓటిటిలో సెన్సేషనల్ డీల్ పూర్తి కాగా ఇప్పుడు శాటిలైట్ హక్కులు సంబంధించి ఇంట్రెస్టింగ్ బజ్ వినిపిస్తుంది. దీని ప్రకారం ఈ సినిమా తాలుకా హక్కులు జీ సంస్థ భారీ మొత్తంలో చెల్లించి సొంతం చేసుకున్నట్టుగా టాక్ వినిపిస్తుంది. మరి దీని ప్రకారం ఈ చిత్రానికి ఏకంగా 93 కోట్లు చెల్లించినట్టుగా తెలుస్తుంది.
అలాగే ఇది అన్ని భాషలు కలిపి అన్నట్టుగా టాక్. మొత్తానికి అయితే ఈ భారీ చిత్రానికి బిజినెస్ ఊహించని లెవెల్లోనే జరుగుతుంది అని చెప్పాలి. ఇక ఈ చిత్రానికి యువన్ శంకర్ రాజా సంగీతం అందిస్తుండగా ఏ జి ఎస్ స్టూడియోస్ వారు నిర్మాణం వహిస్తున్నారు.