ప్రస్తుతం మన ఇండియన్ సినిమా దగ్గర భారీ హైప్ లో ఉన్న బిగ్గెస్ట్ చిత్రాల్లో పాన్ ఇండియా స్టార్ ప్రభాస్ (Prabhas) హీరోగా దీపికా పదుకోణ్ అలాగే యూనివర్సల్ హీరో కమల్ హాసన్, అమితాబ్ బచ్చన్ లాంటి దిగ్గజాల కలయికలో దర్శకుడు నాగ్ అశ్విన్ తెరకెక్కించిన చిత్రం “కల్కి 2898 ఎడి” కూడా ఒకటి. అయితే ఈ చిత్రం విషయంలో ఓ క్రేజీ రూమర్ గత కొన్ని రోజులు నుంచి వినిపిస్తుంది.
దీని ప్రకారం ఈ చిత్రంలో సూపర్ స్టార్ మహేష్ బాబు ప్రెజెన్స్ కూడా యాడ్ అవుతుంది అని మొదలైంది. కల్కి లో విష్ణు అవతారంకి మహేష్ వాయిస్ ఓవర్ అందిస్తాడు అంటూ కొన్ని పుకార్లు వైరల్ అవుతున్నాయి. అలాగే నేషనల్ డిజిటల్ మీడియాలో కూడా ప్రచారం అవుతుంది. అయితే అసలు ఇందులో ప్రస్తుతానికి ఎలాంటి నిజం లేనట్టు అనుకోవాలి.
ప్రత్యేకంగా వాయిస్ ఓవర్ ఒక్కటే అంటే ఇది అర్ధరహితం అని చెప్పాలి. ఆల్రెడీ విష్ణు అవతారంలో ప్రభాస్ నే కనిపిస్తాడు అని రూమర్స్ ఉన్నాయి. అంటే ప్రభాస్ కి మహేష్ వాయిస్ ఓవరా అనేది వినేందుకు ఒకింత వింతగా ఉంది. మరి ఇలాంటి స్టెప్ మేకర్స్ తీసుకోరనే చెప్పాలి. మరి వేచి చూడాలి ఈ సినిమా విషయంలో ఏమవుతుంది అనేది.